ပုခုံးထက်က ကြယ်တစ်ပွင့်အတွက် (၁၂.၁၂.၁၂)

ရာသီတွေ အကုန်မြန်လွန်းတယ်လို့
မဆိုလိုရက်ခဲ့ဘူး…
တာဝန်တွေကြားမှာ ဘ၀ကိုနှစ်မြုပ်နေရင်းနဲ့
နေ၀င်နေထွက်တွေတောင်
မေ့နေတာ ကြာခဲ့ပေါ့...။

ငါတို့ဘ၀တွေက
ကြယ်စင်တွေ မငေးနိုင်ဘူး၊
လမင်းကိုလည်း မလွမ်းနိုင်ဘူး၊

အိမ်မက်တွေ နဲ့တောင် မိတ်ဆက်ခွင့် မရခဲ့ပါဘူး…
ပြည်သူတွေ အပြုံးပန်းဝေဖို့
အမိန့်ဆိုတာတွေ အလွတ်ကျက်နေရတယ်...။

နေခြင်းနဲ့ သေခြင်းကြားမှာ
အသက်တွေကို လောင်းကြေးထပ်လို့
သေမင်းနဲ့ စစ်ခင်းရင်း
သူရဲကောင်းဆန်ဆန် အိမ်ပြန်နေ့ရက်တွေအတွက်
ငြိမ်းချမ်းရေး ပန်းတပွင့်
လက်ဆောင်ယူခဲ့တယ်...
သေချာတာက ငါတို့မှာ အသက်အပို မရှိခဲ့ဘူး...။

တနေ့ထဲမှာ ပညာနို့ရည်စို့ခဲ့တဲ့ ငါတို့တတွေ
တနေ့ထဲမှာ ပညာရည်ပြည့်ဝခဲ့တဲ့ ငါတို့တတွေ
အခုဆို...တချို့တတွေလဲ ကြွေ
တချို့တတွေလဲ ဝေလို့…
တချို့တချို့တတွေလဲ ငါနဲ့မျက်နှာခြင်းဆိုင်
စကားတွေပြောနေလျက်ပေါ့…။

ပြက္ခဒိန်စာရွက်တွေ ဟောင်းလာလို့ထင်ပါရဲ့
အချိန်မတန်ပဲ ခွဲသွားရတဲ့သူတွေများလာတယ်၊
အနာဂတ် သင်ခန်းစာတွေအတွက်
ရင့်ကျက်ဖို့တောင် မလိုခဲ့ဘူး
မင်းတို့တွေက တာဝန်ကျေလွန်းတယ်...။

ဒီနေ့..........

(12.12.12) ပုခုံးထက်က ကြယ်တပွင့်အတွက်
မင်းတို့တွေကို
နက်နက်နဲနဲ နဲ့ ဂုဏ်ယူလို့လွမ်းတယ်…။

(လွမ်းဝေ - MIET)
For (12.12.12 )